Myen Hpyen Gumshem Dap A Rung Rai Htaw Ai Jak Li Langai Gasat Hkrum

KIA Masat (3) Dap Ba ginra, Shwe Gu kaw Myen hpyen gumshem dap a hpyen lang rung rai hte lu sha htaw ai jak li langai hpe April (13) ya shana de hkying (6:00) aten KPDF hpung ni hkap shingla gasat ai lam na chye lu ai.

Dai Myen hpyen gumshem dap a hpyen lang rung rai htaw ai jak li gaw Mali hka hku hkan nna Shwe Gu kawn Chyauk Gyi de lai yu wa ai kaw hkap gap gasat dat ai re lam na chye lu ai.

Myen hpyen gumshem dap ni Hka Sanghpawli, Jak Li ni hte hpyen n-gun, hpyen lang rung rai htaw shalai la ai ding yang galaw nga ai majaw Manmaw, Shwe Gu, Khatar mayan hkan KIA hte KPDF pawnghpawm hpung ni hkap shingla gasat nna gasat poi ni jahkring hkring byin nga ai re.

Myen hpyen gumshem dap ni ndai laman Myitkyina- Manmaw lam mayan hpyen shamu shamawt ai lam, hpyen lang rung rai htaw shalai ai lam ding yang galaw nga ai lam na chye lu ai.

Leave a Reply

Your email address will not be published.