Sammung Lashio hte Kuthkai ginra Mare kahtawng hkan na mung mare masha ni ndai laman hkam bawm kabye kapaw la ai mang hkang jahkring hkring byin nga ai lam mare masha ni kaw na chye lu ai.
Hkam bawm kabye hkala manghkang byin ai hta ma kaji ni law malawng byin ai re, ndai laman sha hkam bawm kabye hkala nna ma kaji marai (2) asak si sum ai hte marai (6) hkala ningma lu ai re lam chye lu ai.
Sammung Lashio hte Kuthkai ginra mare kahtawng hkan nga ai mung mare masha ni Bumyi, Hkauna, Hpahka hte Namsi sun galaw nna kanbau nga ai re. Sun sa lam kaw hkam bawm hkala hkrum ai lam jahkring hkring byin nga ai lam na chye lu ai.
2022 ning January shata kaw nna May shata du hkra rai yang hkam bawm hte Bawm chyen, Masawn a majaw hkala hkum ai mare masha marai (65) jan hte asak si sum ai masha marai (16) nga sai re lam mung na chye lu ai.