Manmaw Ginwang kata na Myen Hpyen Gumshem dap ni hpe KIA hpawnghpawm hpyenhpung ni htim gasat nga ai hta May praw (9) ya jahpawt Manje mare shinggan na Wa lawng La Myen Hpyen Gumshem Dap hpe padang dip zing la lu sai lam nga ai.
Nmawk mare shinggan kaw dap jung nga Hk.m.y (437) Dap hpe mung KIA pawnghpawm hpyenhpung ni jahpawt daw kaw nna htim gasat nga ai hta, Myen hpyen Gumshem Dap maga de na gaw hpyen gasat nbungli Jet Fighter hpe Madung lang nna hte bawm jahkrat gasat ai lam nga ai re.
Gasat Gala majan byin ai Manje, Nmawk grupyin de Manmaw de na Laknak kaba gap gasat nga dingyang mung re majaw, Manje, Nmawk Ginra masha ni yawng ngu na daram tinang shimlum dum ai shara hkan hpyen koi yen nga ai lam mung na chye lu ai.