KIA Masat (2) Dap Ba,Masat (14) Dap Dung Makawp Maga Ginra, Nam Byu Nam Hkam kaw dap jung ai Myen Hpyen Gumshem dap hpe KIA hpyenhpung ni May (16) ya shani Padang dip zing la lu sai re.
Nam Byu Nam Hkam kaw dap jung nga ai Myen Hpyen Gumshem Dap gaw lai wa sai 2018 Ning kaw nna HK.l.y(260) hte HK.l.y (297) kata na ni dap jung shara jahkrat ai hpyen dap re.
Padang dip la lu ai hpang Myen Hpyen Gumshem Dap maga kawn Hpyen Nbungli hte Bawm lahkawng lang sa jahkrat gap gasat ai lam galaw nga ai hpe mung na chye lu ai.