Waimaw Ginra, Hkat Cho mare makau Chyang Hkang Pa Langu Sun mayan kaw June (27) ya jahpawt manap daw KIA hpyenhpung ni hte Myen Hpyen Gumshem hpung ni gasat gala majan byin ai lam nga ai.
Hkat Cho mare kaw nna Chyang Hkang Pa maga de shamu shamawt pru wa ai Myen hpyen gumshem hpung ni hte ginra gawan ai KIA shawnglam hpyenhpung ni hte hkying hkum lahkawng daram laja lana gasat gala majan byin ai lam Shawnglam lit nga Slg ni kaw na chye lu ai.
Waimaw Ginra kata Myen hpyen gumshem dap kaw nna kaga hpyen garum ni mung du nga ai rai nna hpyen shamu shamawt ai lam dingyang bai galaw nga ai majaw KIA hpyenhpung ni hte ndai laman jahkring hkring ang katut gasat gala ai lam ni mung nga ai re hpe chye lu ai.