Hpakant Tatma kawng kaw na Myen Hpyen Gumshem Dap kawn June (26) ya shani 10:25Am ten makau grupgra de lakanak kaba hkrup mara gap ai majaw ginra masha marai (10) jan hkra hkala hkrum ai lam nga ai re.
Mawshan mare စိန်မြသုခ gawdin pa kaw Laknak kaba si wa hkrat ai hta hkra hkala hkrum ai ni gaw မောင်ညီဝင်နိုင် Asak (16) ning, Pai Lagaw kaw hkra, ဝေမျိုးအောင် Asak (26) ning, Baw kaw hkra, နင်ထက်အောင် Asak (15) ning, Pai maga lata lahpum kaw hkra, ဉီးလေးကြီး ngu ai wa Magyi hte baw kaw hkra ai lam ya aten Mawshan tsirung kaw gawn lajang hkamla nga ai lam chye lu ai.
Matut nna mung ဒေါ်ကြည်ကြည် ni a nta kaw laknak kaba hkrat ai majaw, မလဲ့လဲ့ဝင် Asak(33)ning, သိန်းမှုန် Asak (48)ning, ဉီးအောင်မြင့်Asak (58)ning, မောင်နေမင်း Asak (20)ning ni hkra hkala hkrum ai majaw ya aten Mawshan tsirung kaw gawn lajang hkam nga ai lam nga ai re.
Seng Tawng yang mare kaw mung laknak kaba hkrat ai majaw Slg Laubu Gum Ja Asak(61) ning magyi kaw hkra ai lam nga ai rai nna, Ngwi Pyaw lawk kaw mung laknak kaba wa hkrat kapaw ai hta mungmasha langai hkala hkrum ai lam sagawn chye lu ai.