Shingra hpyen Nnang nawn tsinyam hkrum nga ai ni hpe KIO asuya kaw nna mung dangdi dangdep ai daram garum madi shadaw shanglawm sa wa na lam, March (31) ya shani ndau da ai re.
Ndau laika hta Nnang nawn tsinyam a majaw asak si sum mat ai ni a nta masha ni hte rau KIO mung yawn hkyen ai lam hte htenza mat ai shara ni hpe bai gawgap ai lam, shingyin nauna garum n tum lam ni hta KIO hte Kachin mungshawa ni yawng mung dangdi ai made garum shanglawm sa wa na lam ka da ai re.
Tsinyam hkrum ai shara ni de KIO hku nna dan tawk sa du garum na matu yak hkak ai lam ni nga ai raitim, mai byin ai mahkrun masa hku shanglawm garum na lam hte shinggyim nauna myit hte sa du hkye mawai bungli galaw nga ai mungkan mungdan de na hkye mawai hpung ni hpe mung chyeju dum ai lam ndau laika hta matsing masat galaw ai lam ndau laika hta ka da ai re hpe mung mu chye lu ga ai.