KIA Masat (9) Dap Ba, Masat (44) Dap Dung Ginra, Kamaing lung wa lam grup yin kaw June shata (21) ya shani KIA Pawnghpawm hpyen hpung ni hte Myen Hpyen Gumshem Dap ni gasat gala majan byin ai lam nga ai re.
Juen (19)ya shani hta mung, Masat (26) Dap Dung makawp maga ginra Sanun Kawng kaw du nga ai Myen hpyen hpung ni hpe KIA Pawnghpawm Hpyen Hpung ni sa htim gap gasat ai hpang Sanun Kung Intar mare maga nga ai Myen Hpyen Gumshem Dap ni He Pa mare de 120MM laknak kaba gap gasat ai lam, Drone bawm jahkrat gasat ai lam nga ai re.
Ya ten Uru Ginwang Ginjaw kata gasat gala majan laja nga ai sha n-ga, Myen hpyen gumshem dap ni kawn mungshawa gap sat ai lam, mungshawa ni hpe sawk jep ai lam, rim woi mat ai lam, nbung li bawm wa jahkrat bun ai lam, laknak kaba gap shadam ai lam, mare kata hpyen kasu hkawm nna mungshawa ni hpe gap sat kau da ai lam ni jahkring hkring byin nga ai re hpe sagawn chye lu ai.