Nmau Ginwang Ginjaw, Shwigu Ginwang, Naura Bum Ginwang Daw Ja Chyai Ning Htawn Kawng Ja mare kaw galaw da ai Nam Mye Hka Mahkrai hpe June. (27) ya shani akyuhpyi hpaw ai lam galaw la lu sai re.
Ndai Mahkrai hpe Shwigu Ginnwang komiti kaw nna litla nhtawm gaw gap ai re.Hpawng hta Nmau Ginwang Ginjaw Komiti Amu Madu Salang Kaba Lahpai La Doi, Masat (11) Dap Ba B.S.O Du Kaba Labang John Awng, Nam Lim Pa Jau Ginwang Up Wa jau Peter Maran San Tawng, Mungding Pa Buga Hkalup Hpung Up Rev.Lashi Labya Hka Raw ni kawn pan grang hkyeng rep nhtawm Wa Jau Peter Maran San Tawng kawn mahkrai hpaw akyu hpyi shaman nna mahkrai hpaw ai lam galaw la lu sai re.