Mogawng Kya In KBC nawku jawng wang kaw nga ai hpyen koi yen mungshawa ni lang hka, lu hka yakhkak nga ai lam chye lu ai.
Hpyen yen ni a matu buga hpung kawn Bum hka shi hpe len la shangun nna lu hka, lang hka jai lang nga ai hka gaw hkyet mat wa ai majaw hka yahkak nga ai lam dabang na lit nga salang langai tsun shana ai re.
N-dai hpyenyen ni gaw Hpakant lam ntsa gasat poi laja lana byin wa ai majaw hpyen majan hpe hkrit tsang nna lai wa sai 2025 ning August (16) ya shani Kya In buga hpung de hprawng koi yen wa ai hpyenyen mungshawa ni re hpe chye lu ai.