KIA Masat (1) Dap Ba, Masat (7) Dap Dung ginra, Putao Htang Ga mare hte U Ren Ga hpyen man de Tsit Komission dap ni n-gun 200 grup yin jat ai lam nga nna Machang Baw kawn Shing Gai Yang maga mung tai Modo kaba langai hta hpyen n-gun tup htaw rai yu wa ai lam nga ai hpe na chye lu ai.
Masat (3) Dap Ba ginra, Manmaw Deng (3) hte KIA hpyen hpung ni shara la nga ai shara ni de mung Ts.K.HK (21), Hk.L.Y (236) kawn January (17,18,19) ya shani ni hta laknak kaba, Drone bawm ding yang gap gasat ai lam galaw nga ai re.
Masat (5) Dap Ba ginra, Waimaw hpyen man hta gaw January (19,20) ya shani Tsit Komission dap ni htim gasat wa ai majaw KIA hpyen hpung ni hkap shingla gap gasat ai kawn lahkawng maga gasat poi byin nga ai.
KIA Masat (7) Dap Ba Hkawng Lang Hpu ginra de mung Tsit Komission dap ni hpyen n-gun jat ding yang rai nga ai majaw hpyen masa shaja hkat nga ai majaw ang katut gasat poi byin wa na masa nga ai hpe chye lu ai.
KIA Masat (11) Dap Ba ginra hta gaw lai wa sai January (17) ya shani Mali hka hku na hkan lung wa ai Helicopter (1) Sinat laknak machyu pa la ni htaw da ai ngu maram lu ai Helicopter Hk.L.Y (56) hta yu ai lam nga ai hpe mung sagawn chye lu ai.