KIA Masat (5) Dap Ba, Masat (3) Dap Dung makawp maga ginra Wai Maw Lamyang mare grup yin kaw KIA pawnghpawm hpyen hpung ni hte Tsitkomishin dap ni gasat gala majan byin nga ai lam shawnglam shi sawk ni kaw na chye lu ai.
Jan (18) ya shani hta mung shani ka-ang aten daram kaw nna shana maga hkying 6:00pm aten daram du hkra Tsitkomishin kawn Lamyang hte Hto Gaw mare de sinat kaba ni gap bang ai lam galaw ai majaw KIA pawnghpawm hpyen hpung kaw nna bai ninghkap gasat ai kawn gasat gala majan byin ai re.
Tsitkomision ni hte PTTs pawnghpawm hpyen hpung ni Jan (20) ya jahpawt hkying 6:00am aten daram hta mung Lamyang grup yin Nmyen Hka maga de hpyen n gun de htu shadut shang wa ai majaw KIA pawnghpawm hpyen hpung ni hte gasat gala majan byin ai re hpe chye lu ai.
Ya na zawn gasat gala majan byin ai aten Myitkyina kaw dap jung shara jahkrat nga ai Tsitkomishin dap MPHk kawn mung lak nak kaba ni gap ai lam galaw nga ai re hpe mung chye lu ai.