Ga Hkyeng Bum Ginwang, Kawng Ja mare kaw January (22) ya shana daw, Tsitkomision dap kawn Nbungli hte bawm jahkrat gasat ai majaw mungshawa marai (10) jan dai shara kaw nan asak si sum mat ai lam nga ai re.
Bawm jahkrat gasat ai shara gaw Yawn hkyen hkrum ai nta shawa hpawng chyawm ai kaw wa jahkrat ai re majaw asak si sum masha law ai lam hte hkala sawng masha ni mung law ai lam sagawn chye lu ai.
Ya aten hkala hkrum ai machyi masha ni hpe Ginjaw Mungshawa Tsirung de shalai nna tsi gawn lajang ya nga ai hpe mung chye lu ai.