Namhpaka Muklum kaw July (24)ya shani 10:00Am ten Namhpaka Tara Rap Daw hte Rung hpaw wunli la akyu hpyi hpawng lamang hpe galaw la lu sai re.
Ndai Tara Rung gaw greng ai grak ai tara rung byin tai wa hkra hte mungshawa hte mare Kahtawng ni hpe tara rap daw kata makawp maga shangang shakang sa wa ra na matu hpaw ai rap daw re ai lam, hpawng hta Dinda Ginwang Ginjaw, Tara Rap Daw Rung Ningbaw Du Kaba Malang Myu Tsaw tsun ai.
Tara rap daw hte rung hpaw wunli la kyu hpyi hpawng hta Nawku hpung shagu na hpung woi sara ni Mare Htung hkring salang ni, Magam dap Makan dap na hpu-awn ni, Daw lawk komiti shagu na salang ni Mungchying mungshawa ni, mare kata nga ai hpunau rawt malan hpung rai nga AA hpyen hpu-awn ni shanglawm ai hte angwi apyaw hpaw hpang da lu sai re hpe chye lu ai.