KIA Masat (7) Dap Ba, Hkawnglang Fu Ginra Kata kaw Tsitkomishin hte KIA Pawnghpawm hpyen hpung ni shani Shagu ngu na gasat gala majan byin nga ai re.
Tsitkomishin Dap ni Lai wa sai June shata htum maga kaw nna hpyen n-gun htu ai lam galaw wa ai majaw KIA pawnghpawm hpyenhpung ni hte jahkring hkring gasat gala majan byin nga ai re.
Hkawng Lang Fu ginra rai nga ai Shing Hkawng maga de mung hpyen maw daw kaba ni hte Hpyen laknak rung rai htaw bang nna n gun jat shamu shamawt ai lam ni galaw wa ai majaw gasat gala majan laja nga ding yang re lam chye lu ai.
Ya na zawn Hkawng Lang Fu Ginra Kata na mare kahtawng ni hkan Tsitkomishin ni hpyen shamu shamawt nga dingyang rai nna, KIA Pawnghpawm ni hte gasat gala majan ni byin wa ai majaw dai ginra masha ni Putao de hpyen koi yen nga ai re hpe mung sagawn chye lu ai.