Laiza Lahta Tsang Jawng a 2026-2027 ning hpaji ladaw a No.(1) lang na jawngma kanu kawa /sara man hkrum hpawng hte Ningtawn jawng ma shagrau hpawng lamang hpe August (26) ya shani, jawng gawk nu kaw galaw la lu sai re.
Daini na jawng ma Kanu kawa Sara man hkrum hpawng hta Ginjaw Hpaji Dap Lit Hkam Du Kaba
Wa Na Yaw Htung kawn hpaji dap a jawng shagu hta galaw nga ai magam bungli masing hpe tsun jahpra sang lang dan ai re hte jawng shagu hta galaw sa wa na masing ni hpe tsun sanglang ai re.
Matut nna 2025-2026 hpaji ladaw hta ningtawn ai hku Awng pru da sai jawng ma ni hpe shagrau sha -a ai lam mung galaw la lu sai re hte jawng up Saranum Kaba Seng Bu kaw nna jawng a sumtang ni hpe tang madun ai lam galaw ai re.
Hpawng lamang hta jawng ma Kanu kawa ni, Sara/ Saranum ni, saw shaga da ai magam dap makan dap de na myit su, Du Salang ni, Jawng shagu de na magam gun jawng up ni shanglawm ai hte a ngwi a pyaw galaw ngut kre la lu sai re.