Hpakan Ginra kata lai wa sai 2025 ning May shata (28) ya shani kaw nna Myen Hpyen Tsit Commission Dap ni htu shadut shang wa ai laning mi laman mara kata sat kau hkrum ai mungshawa marai (175) nga ai lam Hpakant ginra hpyen masa maram masam sagawn ai lit nga Slg ni kaw na chye lu ai.
Gasat gala majan n nga ai shara ni hta nbungli bawm hte laknak kaba ni gap gasat ai lam ni a majaw, hkala hkrum ai masha gaw marai (300) jan nga ai sha n-ga, Hpakant ginra Mawwan Kaba,Mawwan Kaji, Mawmau Layang, Mawmau Bum, Sut Bum, Mawsizar, Sharaw Hka, Sengchyai, Mashi Kahtawng mare ni hta mungshawa dum n’ta(100) jan wan nat jahten kau ya ai lam nga ai hpe chye lu ai.
Hpakan ginra Mawwan Kaji mare hta mung mare masha ni lai wa sai August shata (24)ya shani mare kata san seng lam galaw ai hta Myen hpyen tsit commission hpyen hpung ni mara kata hkrup mara sat makoi kau da ai mungmasha moi mang (25) tup hpe mung tam mu ai lam sagawn chye lu ai.