Laiza Kaw Masa Lam Sang Lang Dan Ai Zuphpawng Galaw

KIO Dat Kasa Hpung kaw nna Masa Lam Sang Lang Dan Ai Zuphpawng hpe 2013 June (15) ya jahpawt hkying (9:00)am aten Laiza Muklum, Padang Hkrunlam Majan Masing Woi Awn Rung Daju Gawknu kaw galaw ai lam chye lu ai.

Zuphpawng hta KIO Dat Kasa Hpung Ningbaw, KIO Ginjaw dinggrin salang Sara Kaba Sumlut Gam gaw May (28) ya shani kaw nna (30) ya shani du hkra galaw mat wa ai zuphpawng hte seng nna sanglang dan ai hpe chye lu ai. Matut nna KIA Tau Dap Awn Daju, Du Daju Sumlut Gun Maw kaw nna masa lam sanglang hpaji jaw ai hta, Dap Shawa Mung Shawa yawng madat mara lam madang tsaw ra ai lam, Mung Shawa hte KIO lahkawng maga jahkrup shajin nna Mung Masa bawngban ai lahkam de sa ra ai lam, machyoi hpaji chye ai ni tatut gindun shang lawm galaw ra sai hte, Kachin hte seng ai activist, Kachin hte seng ai NGO ni yawng rau sha shanglawm galaw na hpe ga saw dat ai lam, tengman ai jaw ai ladat hte yawng a man e asan sha gwi gwi tsun shaga galaw sa wa ra ai lam hpe tsun sanglang dan ai lam chye lu ai.

Ndai zuphpawng hta makam masham de na hpung woi sara ni, Amyu Shayi Kanu Kana ni, Ginjaw Ginra na myit su Du Salang ni, Ginwang Ginjaw shara shagu na myit su Du Salang ni, hpyen yen de na woi awn nga ai myit su Hpa-awn Salang ni yawng marai (199) sa du ai lam chye lu ai.

Leave a Reply

Your email address will not be published.